बलिउड अभिनेता सैफ अली खानमाथि बुधबार राती करिब साढे दुई बजे मुम्बई खारस्थित उनको घरमा चक्कु आक्रमण भयो । सैफको घाँटी, पिठ्यु, हात र टाउकोमा चोट छ । उनलाई राती तीन बजे मुम्बईकै लीलावती अस्पतालमा भर्ना गरिएको थियो, जहाँ उनको शल्यक्रिया भएको छ ।
लीलावती अस्पतालका प्रमुख कार्यकारी अधिकृत डा. नीरज उत्तमानीका अनुसार सैफको शरीरमा ६ वटा चोट छ । त्यसमध्ये दुई चोट गहिरो छ । एउटा चोट मेरुदण्डको हड्डी नजिक छ ।
